Қазақстан құрамасы өз алаңында есе жіберді

2026 жылғы футболдан әлем чемпионатының іріктеу кезеңінде Қазақстан өз алаңында Солтүстік Македониядан минимальды есеппен жол берді, деп хабарлайды Sport12.kz.

Бірінші таймда қазақстандықтар шабуылда белсенді болды. Әсіресе Ғалымжан Кенжебектің құлшынысы жанкүйерлер тарапынан ыстық ықыласқа ие болды. Алайда қонақтар Нұралы Әліптің допты дұрыс қабылдамауын өз пайдаларына жаратып, 33-минутта алға шықты. Гол авторы - Александр Трайковски.

Екінші таймда да Қазақстан құрамасы шабуылдауды жалғастырды. Максим Самородовтың соққысы маңдайшаға тисе, қосалқы құрамнан шыққан Дастан Сәтпаевтың да добы бағанағадан қайтты. Қазақстан 90 минут бойы 13 соққы жасағанымен, қонақтар қақпасынан саңылау таба алмады.

Бұл ойынды 27 694 жанкүйер стадионнан тамашалады.

Қазақстан — Солтүстік Македония 0:1 (0:1)

Гол: Трайковски 33 (0:1)

Енді Қазақстан құрамасы келесі ойынын 4 қыркүйек күні Уэльсқа қарсы өз алаңында өткізеді.