Әли Әлиев: жарақат алған футболшыларымыз жетіспеді

Қазақстан ұлттық құрамасының бас бапкері Әли Әлиев Солтүстік Македонияға қарсы ойынды қорытындылады, деп хабарлайды Sport12.kz

• Ұлттық құрамада Бактиер Зайнутдиновтың жоқтығы қатты байқалды. Оның 14 голмен Қазақстан тарихындағы үздік сұрмерген екенін білесіздер. Статистикасына назар аударсаңыз, қандай командаларға гол соққанын көресіздер. Шабуыл сәтінде позицияны жақсы таңдайды. Бұл Абат Айымбетовке де қатысты. Түркия лигасындағы аутсайдер кулбында доп тепсе де, әр турда соңғы сәтке дейін гол соғуға мүмкіндік іздеп жүреді. "Қайсар" клубының шабуылшысы Айбар Жақсылықов Қазақстан Премьер-лигасында 6 соқты. Ол да жетіспеді. Байқағандарыңыздай, 90 минутта қарсыластан қарағанда, көп соққы жасадық. Өкінішке қарай, тек гол жетіспеді. Осы жолы бұйырмады. Бірақ келесі матчтарда қарсылас қақпасынан саңылау табамыз деген сенімдемін", - деді Әли Әлиев.

Айта кетейік, Қазақстан құрамасы 2026 жылғы Әлем чемпионатына іріктеу кезеңі аясында Солтүстік Македонияны қабылдап, 0:1 есебімен есе жіберді.