Өзбекстан бас бапкері әлем чемпионатына дайындық жайлы айтты

Өзбекстан құрамасының бас бапкері Тимур Кападзе командасының 2026 жылғы әлем чемпионатына дайындығы туралы пікір білдірді, деп хабарлайды Sport12.kz.

Бұл жөнінде Кападзе ӘЧ-2026 іріктеу турниріндегі Қатарға қарсы (3:0) өткен соңғы матчтан кейінгі баспасөз маслихатында сөз қозғады.

— Әлем чемпионаты алдында CAFA (Орталық Азия футбол қауымдастығы) аясында жоспарланған матчтарға қатысамыз. Одан бөлек АҚШ-тағы қарсыластармен бақылау кездесулерін өтіземіз. Осы арқылы команданың тәжірибесі тоғысып, ойыны шыңдалады деген үміттемін,– деді Кападзе.

Өзбекстан жаһандық додаға іріктеу турнирінде Иран, БАӘ, Қатар, Қырғызстан және Солтүстік Кореямен сынға түсіп, 10 ойында 21 ұпай жинады. Нәтижесінде «ақ бөрілер» топтан екінші орынмен шығып, өз тарихында алғаш рет мундиальға жолдама алды.

Еске салайық, футболдан 2026 жылғы әлем чемпионаты 11 маусым мен 19 шілде аралығында АҚШ, Мексика және Канадада өтеді.