1 күн бұрын
Кевин Де Брёйне «Наполи» клубына ауысты
Қанат Байұзақов
«Манчестер Сити» клубының бұрынғы жартылай қорғаушысы Кевин Де Брёйне енді ресми түрде «Наполи» ойыншысы атанды, деп хабарлады Sport12.kz
Бұл туралы белгілі инсайдер Фабрицио Романо әлеуметтік желідегі парақшасында жазды.
Ақпарат көзінің мәліметінше, трансфер бойынша барлық келісімдер толық аяқталған. Алдағы уақытта бельгиялық футболшы медициналық тексерістен өтіп, ресми құжаттарға қол қоймақ. Екі жақтың келісімшарты екі жылға есептелген.
Бұған дейін италиялық БАҚ Де Брёйне «Наполи» клубында жылына 5 миллион еуро жалақы алатынын жазған еді.
Өткен маусымда 33 жастағы футболшы Англия чемпионатында 40 матчқа қатысып, 6 гол соғып, 8 нәтижелі пас берген.
