Клубтар арасындағы Әлем чемпионатын қазақстандық қай телеарна көрсетеді

«Qazaqstan» және «Qazsport» телеарналары футболдан клубтар арасындағы Әлем чемпионатын көрсетеді, деп хабарлайды Sport12.kz.

Бұл жөнінде «Qazsport» телеарнасы мәлім етті.

2025 жылдың 15 маусым-13 шілде аралығында АҚШ-та клубтар арасындағы Әлем чемпионаты өтеді. Турнирге 32 команда қатысады. 

Командалар 8 топқа бөлінді. Әр топта 4 клубтан өнер көрсетеді, олардың екеуі плей-офф кезеңіне шығады. Қатысушылардың арасында биылғы Чемпиондар лигасының жеңімпазы «ПСЖ» бар. Сонымен қатар Еуропаның үздік клубтары «Реал Мадрид», «Манчестер Сити», «Бавария» және т.б. клубтар турнирде бақ сынайды.

Чемпионаттың жүлде қоры 1 миллиард АҚШ долларын құрайды. Аталған турнирде чемпион болған команда 125 миллионды иеленеді. Қалған қаражатты қатысушы 31 клуб алған орнына байланысты алады.