Трент Александер-Арнольд «Реал» сапындағы алғашқы әсерімен бөлісті

Мадридтік «Реалдың» жаңа ойыншысы Трент Александер-Арнольд клуб президенті Флорентино Переспен болған алғашқы әңгіме туралы айтып берді, деп хабарлайды Sport12.kz

– «Клубты бірнеше мәрте Чемпиондар лигасында жеңіске жеткізген президентпен сөйлесу – үлкен мәртебе. Ол «Реалды» жаңа деңгейге көтеріп, орасан жетістікке жеткен тұлға. Шынымен де таңғаларлық. Ең алдымен, осы ұлы клубтың бір бөлігі болуға мүмкіндік бергені үшін шын жүректен алғыс айтамын. «Реалға» ауысу мен үшін үлкен мақтаныш. Біз бірге көптеген трофейлерді жеңіп аламыз деп сенемін», – деді ағылшын қорғаушы.

Александер-Арнольд сонымен қатар Перестің оның испан тілін еркін меңгеруіне таң қалғанын айтты:

– «Ол менің испанша жақсы сөйлейтініме риза болды. Көпшілік үшін тосынсый болған сияқты. Бірақ мен бұл қадамға барғаныма қуаныштымын. Бәрін дұрыс бастау мен үшін өте маңызды еді», – деді ол.

Еске салсақ, Трент Александер-Арнольд мадридтік клубқа «Ливерпульден» ауысты. Оның ресми таныстырылымы 12 маусым күні өтті.