12 сағат бұрын
«Барселона» клубы төрт футболшысымен қоштасады
Қанат Байұзақов
«Барселона» футбол клубы келесі маусымға өз жоспарларына кірмейтін ойыншыларды анықтады, деп хабарлады Sport12.kz
Каталондық клуб құрамынан кететін ойыншылар қатарында қақпашы Иньяки Пенья, жартылай қорғаушы Пабло Торре, сондай-ақ шабуылшылар Пау Виктор мен Ансу Фати бар. Барлық аталған футболшыларға клубтың оларға қатысты ұстанымы жеткізілген.
Қақпашы Иньяки Пенья мансабын Испанияда жалғастырғысы келеді. Ансу Фати «Монако» клубына ауысуға жақын. Пабло Торренің болашағы әзірге белгісіз, бірақ «Барселона» оны кейін қайта сатып алу құқығымен сатқысы келеді. Ал Пау Викторға оның бұрынғы командасы «Жирона» қызығушылық танытып отыр.
