Бүгін «Астана» клубының еурокубоктағы қарсыласы анықталады

Швейцарияның Ньон қаласында еурокубоктардың екінші іріктеу кезеңіне арналған жеребе тарту рәсімі өтеді, деп хабарлайды Sport12.kz хабарлайды.

Аталған рәсімнің нәтижесінде қазақстандық клубтардың мүмкін болатын қарсыластары белгілі болады.

15:00-де Чемпиондар лигасының жеребесі басталады. Бұл турнирде Қазақстан атынан «Қайрат» командасы өнер көрсетеді. Алматы клубы жарысты словениялық «Олимпияға» қарсы бірінші кезеңнен бастайды.

16:00-де Еуропа лигасының екінші іріктеу кезеңінің жеребесі өтеді. Бұл жарыста ел намысын «Ақтөбе» қорғайды. Команда бірінші раундта Польшаның «Легиясымен» кездеседі.

17:00-де Конференциялар лигасының жеребесі басталады. Қазақстан атынан бұл жарысқа «Ордабасы» мен «Астана» қатысады. «Ордабасы» бірінші раундтан бастайды және грузиялық «Торпедомен» кездеседі. «Астана» үшін еуромаусым дәл осы екінші кезеңнен басталады.