Клубтар арасындағы ӘЧ: «Бенфика» алғашқы жеңісіне жетті

 Футболдан клубтар арасындағы әлем чемпионатында екінші ойынында Португалияның «Бенфика» командасы алғашқы жеңісіне жетті, деп хабарлайды Sport12.kz.

С тобында сынға түсіп жатқан португалиялық команда бұл жолы Жаңа Зеландияның «Окленд Сити» клубымен шеберлік байқасты. 

Мұхит аймағы елдерінен келген «Окленд Сити» негізінен әуесқой футболшылардан құралған. Сондықтан алғашқы турда олар Германияның «Бавариясынан» 0:10 есебімен ойсырай жеңілген еді. Бұл жолы да «Бенфикаға» қауқар көрсете алған жоқ.

Алдымен ауа райының қолайсыз болуы салдарынан ойын екі сағатқа кейінге шегерілді. Кездесу барысында португалдық футболшылар қарсылас қақпасына бірінші кезеңнің соңына дейін гол соға алған жоқ.

Ойынның 45-минутында Анхель Ди Мария мергендік танытса, Вангелис Павлидис 54, Ренату Саншеш 54, Леандро Баррейро 76, 78-минутта гол соқты.

Ал Анхель Ди Мария 90-минутта кездесудің нүктесін қойды.

Осылайша «Бенфика» қарсыласынан 6:0 есебімен басым түсіп, турнир кестесінде бірінші орынға көтерілді.

Аталған топтағы «Бавария» (Германия) мен «Бока Хуниорс» (Аргентина) кездесуі қазақстандық уақытпен 06:00-ге белгіленген.