«Тұраннан» кеткен ойыншылар саны сегізге жетті

«Тұран» футбол клубының құрамынан ресейлік екі ойыншы кетті, деп хабарлайды Sport12.kz.

Бұл жөнінде команданың баспасөз қызметі мәлім етті.

- Ресейлік екі шабуылшымыз Константин Дорофеев пен және Лука Згурский команда сапынан кетті. Екі-жақты келісім бойынша қос тарап келісімге келіп, команда сапынан ойыншылар кетті. Жігіттерге біздің клубқа қосқан үлестері үшін алғыс айтамыз, - деп жазылған хабарламада.

Еске салсақ, бұдан бұрын командадан беларусьтік ойыншылар – Руслан Юденков, Игорь Стасевич, Василий Совпель және Егор Хаткевич командадан кетті.

Сондай-ақ команда сапынан черногориялық Йован Пайович пен Горан Милойко «Тұран» сапынан кетті.

Бұл ойыншылар биыл «Тұран» сапына қосылған еді. Қаржы мәселесінің туындауына байланысты олар түркістандық клуб сапынан кету жөнінде шешім қабылдады.