15 сағат бұрын
«Рома» өзбекстандық футболшыны сатуды көздейді
Қанат Байұзақов
«Рома» клубы өзбекстандық шабуылшы Эльдор Шомуродовты сатуға ниетті, деп хабарлайды Sport12.kz
Клуб Шомуродовты 7–8 миллион еуроға сатуды көздеп отыр. Айта кетейік, 29 жастағы футболшының римдік клубпен келісімшарты 2026 жылдың маусымына дейін жарамды.
Бұған дейін Шомуродовқа АҚШ-тың МЛС лигасындағы белгісіз клубтан ресми ұсыныс түскені туралы ақпарат тараған. Осылайша, өзбек футболшысының ендігі мансабы Солтүстік Америкада жалғасуы әбден мүмкін.
Өткен маусымда Шомуродов «Рома» сапында 37 матчқа қатысып, 7 гол соғып, 5 нәтижелі пас берген. Transfermarkt порталы оның нарықтық құнын 4 миллион еуро деп бағалауда.
