Мессидің командасы плей-оффта «ПСЖ» клубымен кездеседі

«Интер Майами» клубының бас бапкері Хавьер Маскерано клубтық әлем чемпионатының 1/8 финалындағы қарсыласы «Пари Сен-Жерменге» (ПСЖ) қарсы матч туралы пікір білдірді, деп хабарлайды Sport12.kz

Америкалық команда А тобында екінші орын алып, плей-офф кезеңіне жолдама алған болатын.

«Біз Еуропаның ең үздік клубтарының бірімен кездесетінімізді жақсы білеміз. Бұл біз үшін оңай болмайды. Бірақ біз бар күшімізді салып, өз шеберлігімізді көрсетіп, өз құндылығымызды дәлелдеуге тырысамыз», — деді Маскерано, оның сөзін ФИФА-ның ресми сайты келтірді.

Қазіргі таңда 1/8 финалға шыққан командалар қатарында «Интер Майами» (АҚШ), «ПСЖ» (Франция), «Бавария» (Германия), «Манчестер Сити» (Англия), «Ювентус» (Италия), «Фламенго», «Палмейрас» және «Ботафого» (екеуі де Бразилиядан) бар.