7 сағат бұрын
«Ливерпуль» жаздағы үшінші трансферін жасады
Қанат Байұзақов
Англияның әйгілі клубы «Ливерпуль» жазғы трансферлік маусымда үшінші ірі келісімді жүзеге асырды, деп хабарлады Sport12.kz
Бұған дейін мерсисайдтықтар Жереми Фримпонг пен Флориан Вирцты алған еді. Енді «Борнмуттың» қорғаушысы Милош Керкезді өз қатарына қосты.
The Athletic инсайдері Давид Орнштейннің мәліметінше, ағылшын клубы венгриялық қорғаушы үшін, шамамен 40 миллион фунт стерлинг төлеген. Милош Керкез «Ливерпульмен» бес жылдық келісімшартқа қол қойды.
Венгрия құрамасының ойыншысы ретінде Керкез соңғы маусымда «Борнмут» сапында тұрақты ойын көрсетіп, ағылшын Премьер-лигасындағы жас қорғаушылар арасында жарқын өнерімен көзге түскен.
