Марат Омаров Қазақстан футболында келісілген матчтар болатынын мойындады

Қазақстан футбол федерациясының (ҚФФ) президенті Марат Омаров ел футболындағы келісілген матчтар тақырыбына қатысты пікір білдірді, деп хабарлайды Sport12.kz

— Ермұхамед Мәуленнің қандай да бір мәлімдемесін естіген жоқпын. Бірақ бір нәрсені айта аламын. Ешқандай қысым болған жоқ. Ал келісілген матчтарға келсек, бұл мәселемен айналысатын «Sport Radar» деген халықаралық ұйым бар. Сол ұйымның статистикасына сәйкес, Қазақстан әлем бойынша келісілген матчтар саны жағынан төртінші орында тұр. ҚФФ бұл мәселе бойынша белсенді күрес жүргізіп жатыр. Ермұхамедтің сөзінде шындық бар. Қазіргі таңда федерация бұл мәселемен нақты айналысып жатыр, — деді федерация басшысы.