«Атырау» Ақтөбеге автобуспен баратын болды

«Атырау» футбол командасы алдағы «Ақтөбемен» ойынға автобуспен баратын болды, деп хабарлайды Sport12.kz.

Бұл жөнінде команданың баспасөз қызметі ресми түрде түсініктеме берді.

- «Атырау» футбол командасы бүгін сағат 11:45-те Атырау халықаралық әуежайынан Ақтөбе қаласына ұшып кетуі тиіс болған. Алайда рейсті орындайтын Vietjet Qazaqstan (Qazaq Air) компаниясы ұшу уақытын бірнеше рет кейінге қалдырып, содан соң рейстің тіпті жасалмайтынын хабарлады. Аталмыш форс-мажорды жылы қабылдамасақ та, “Мұнайшыға” қайта оралып ойын алдындағы жаттығуды өз алаңымызда өткіздік. Артынша түс қайта ештеңеге қарамастан Ақтөбеге автобуспен жол тарттық, - деп жазылған хабарламада.

Айта кетсек, Қазақстан Премьер-лигасы 15-турында «Ақтөбе» мен «Атырау» кездесуі 5 шілдеде 20:00-де өткізіледі.