8 сағат бұрын
Аянат Жұмағали ауыр атлетикадан Азия чемпионатында қола алды
Фото: Қазақстан ҰОК
Ауыр атлетикадан Қазақстан әйелдер құрамасының өкілі Аянат Жұмағали елордада өтіп жатқан жасөспірімдер мен жастар арасындағы Азия чемпионатында қола жүлдеге ие болды, деп хабарлайды Sport12.kz
Қазақстан Ұлттық Олимпиада комитетінің хабаралуынша, отандасымыз 77 келіге дейінгі салмақта ел намысын қорғады.
Аянат қоссайыстың қорытындысы бойынша 217 (95+122) келіні көтеріп, жастар арасындағы бәсекеде қола жүлдеге ие болды.
Алтын медальді Оңтүстік Корея өкілі Хисо Джун жеңіп алды. Оның нәтижесі - 230 (102+128) келі. Ал, екінші орынды өзбекстандық Гульшодахон Дадамирзаева иеленді - 218 (96+122) келі.
