6 сағат бұрын
Бүгін Қазақстан Премьер-лигасының 15-тур ойындары өтеді
Фото: Kffleague.kz
Футболдан Премьер-лига командалары арасындағы ел біріншілігінің 16-турында бес ойын өтеді, деп хабарлайды Sport12.kz.
Бүгін, 12 шілдеде сағат 17:00-де «Ұлытау» (Жезқазған) мен «Елімай» (Семей) ойнайды. Ал 20:00-де «Тұран» (Түркістан) мен «Қызылжар» (Петропавл) жасыл алаңға шығады.
Ал 13 шілдеде 18:00-де «Жеңіс» (Астана) пен «Жетісу» (Талдықорған), «Тобыл» (Қостанай) мен «Оқжетпес» (Көкшетау), 20:00-де «Ордабасы» (Шымкент) мен «Астана» ойнайды.
Бұл турдағы алдын ала өткізілген ойындарда 16 сәуірде алматылық «Қайрат» «Атырауды» 4:0 есебімен жеңсе, 14 мамырда қызылордалық «Қайсар» «Ақтөбеге» 1:2 есебімен есе жіберді.
Айта кетсек, қазір көш басында 37 ұпаймен «Астана» келеді. Одан кейінгі орындардағы «Қайраттың» 36, «Ақтөбенің» 32 ұпайы бар.
Сұрмергендер көшінде Дастан Сәтпаев («Қайрат») пен Назми Грипши («Астана») 8 голмен көш басында тұрса, одан кейін Ислам Чесноков(«Тобыл»), Марин Томасов («Астана»), Дәурен Жұмат («Оқжетпес») 7 гол соғып үлгерді.
