«Ордабасы» 6 жылдан кейін өз алаңында «Астананы» жеңді

Қазақстан Премьер-Лигасының 16-турындағы орталық кездесуде Шымкенттің «Ордабасы» клубы турнир көшбасшысы «Астананы» қабылдады, деп хабарлайды Sport12.kz

Матч тартысты өткенімен, қауіпті сәттер көп болмады. Екі команда да тең дәрежеде ойнап, қорғанысқа көп көңіл бөлді. 67-минутта алаңнан «Ордабасы» ойыншысы Зикрилло Султаниязов алаңнан қуылғанымен, «Астана» артықшылықты тиімді пайдалана алмады.

Керісіше, шымкенттіктер сапынан 85-минутта Эвертон Мораес шабуылды сәтті аяқтап, матчтағы жалғыз әрі жеңіс добын соқты.

Бұл нәтижеден кейін «Астананың» еншісінде 37 ұпаймен турнир кестесіндесі бірінші орынын сақтап қалды. Ал «Ордабасы» 23 ұпаймен жетінші орында тұр.

«Ордабасы» — «Астана» 1:0 (0:0)

Гол: Эвертон Мораес, 85 минут

Қызыл қағаз: Зикрилло Султаниязов, 67 минут