«Қайсар» биылғы маусымда ел чемпиондарынан жеңілмеді

Қазақстан Премьер-Лигасының 17-тур матчында алматылық «Қайрат» өз алаңында қызылордалық «Қайсарды» қабылдады, деп хабарлады Sport12.kz

Ойын бастала сала, алаң иелері тізгінді қолға алып, қонақтарды қыспаққа алды. Нәтижесінде 21-минутта Рамазан Бағдат есеп ашты.

Екінші таймның басында дәл сол Рамазан Бағдат айып алаңында ереже бұзып, алаңнан қуылды. Бұл сәттен кейін «Қайсар» пенальти тебуге мүмкіндік алып, 54-минутта Марлен Айманов есепті теңестірді.

Ойынның қалған бөлігінде есеп өзгермеді.

«Қайрат» — «Қайсар» 1:1 (1:0)

Голдар: Бағдат 21 (1:0), Айманов (пен.) 54 (1:1)

Алаңнан қуылған: Бағдат 53

Бұл нәтижеден кейін «Қайрат» 37 ұпаймен турнир кестесінде екінші орында қалды. Ал «Қайсар» 14 ұпаймен 10-орында тұр.