Соңғы минуттағы камбэк: «Жеңіс» сырт алаңда сенсация авторы атанды

Қазақстан Премьер-Лигасының 17-турындағы ойында семейлік «Елімай» өз алаңында елордалық «Жеңісті» қабылдады, деп хабарлады Sport12.kz

Бастапқы минуттарда «Елімай» аздаған басымдық танытып, 13-минутта Иван Свиридовтың соққысымен есеп ашты. Бұдан кейін алаң иелері басымдықты сақтап, жеңіске жететіндей көрінген. Алайда «Жеңістің» соңғы минуттарда ойын тағдырын басқа бағытқа өзгертіп жіберді. 89-минутта Элгуджи Лобжанидзе есепті теңестірсе, 90+3 минутта Адилио жеңіс голын соғып кетті. Қорытынды есеп: 1:2.

«Елімай» — «Жеңіс» 1:2 (1:0)

Голдар: Свиридов 13 (1:0), Лобжанидзе 90 (1:1), Адилио 90+3 (1:2)

Бұл жеңістен кейін елордалықтар 23 ұпай жинап, турнир кестесінде «Ордабасыны» қуып жетті. Ал семейліктер 25 ұпаймен 5-орында қалды.