ҚПЛ:«Атырау» төрт айдан кейін жеңіске жетті

Футболдан Премьер-лига командалары арасындағы ел біріншілігінің ХVII турында «Атырау» командасы он жеті ойыннан кейін жеңіске жетті, деп хабарлайды Sport12.kz.

Атыраулық команда биылғы біріншілікті сәтсіз өткізіп келеді. Қазір турнир кестесінде он жеті турдан кейін небәрі бес ұпай жинап, соңғы орынды місе тұтып тұрған еді. Сондықтан олар бүгінгі кездесуде жеңіске жету маңызды болды.

Кездесу барысында «Атырау» сапынан 18-минутта Ян Труфанов соққан жалғыз гол оларға жеңіс алып келді.

Осылайша «Атырау» қарсыласынан 1:0 есебімен басым түсті. Нәтижесінде төрт айдан кейін жеңіске жетті.

Аталған турда бүгін, 20 шілдеде енді «Ақтөбе» мен «Тобыл» (Қостанай), «Жетісу» (Талдықорған) мен «Ордабасы» (Шымкент) кім мықтыны анықтайды.

Ал 19 шілдеде семейлік «Елімай» елордалық «Жеңіске» 1:2 есебімен жеңілсе, «Қайрат» (Алматы) пен «Қайсар» (Қызылорда) 1:1 есебімен тең түсті. Тағы бір кездесуде көкшетаулық «Оқжетпес» Жезқазғанның «Ұлытауын» 1:0 есебімен жеңді.

Бұл турда 18 шілдеде өткен ойында «Астана» өз алаңында Түркістанның «Тұранын» 7:0 есебімен тізе бүктірді.

Біздің серіктес: 200 000 фрибетті ұтысқа саламыз – арнаға жазыл және батырманы бас