16 сағат бұрын
Футболдан әйелдер арасындағы ел чемпионатында БИІК жеңісті сериясын жалғастырды
Фото: БИІК футбол клубы
Бүгін футболдан әйелдер арасындағы Қазақстан чемпионатының он төртінші туры мәресіне жетті, деп хабарлайды Sport12kz.
Аталған турда көш басында келе жатқан командалардың барлығы жеңіске жетті. Шымкенттік БИІК өз алаңында «Астананы» 7:0 есебімен жеңсе, «Томирис-Тұран» сырт алаңда Көкшетаудың «Оқжетпесін» 10:0 есебімен тізе бүктірді.
Ойын нәтижесі:
«Оқжетпес» (Көкшетау) - «Томирис-Тұран» (Түркістан) 0:10
«Елімай» (Семей) - «Қайрат» (Алматы) 5:1
«Ұлытау» (Жезқазған) - «Қызылжар» (Петропавл) 1:0
«Жетісу» (Талдықорған) - «Жеңіс» (Астана) 1:5
БИІК (Шымкент) - «Астана» 7:0
«Тобыл» (Қостанай) - «Атырау» 6:1.
Бұл турдағы «Қайсар» (Қызылорда) - «Ақтөбе» кездесуі 7 тамыз күні өткізіледі.
Әр команда сапында кемінде қазақстандық футбол мектебінің 13 түлегі болуға тиіс деген талап қойылып отыр. Оған 2009 жылы және одан ерте дүниеге келген футболшылар қатыса алады.
