13 сағат бұрын
«Тұран» сапына сербиялық қорғаушы қосылды
Фото: «Тұран» футбол клубы
«Тұран» клубына сербиялық қорғаушы Лука Чермель қосылды, деп хабарлайды Sport12.kz.
Орталық және сол қапталда ойнай алатын әмбебап қорғаушы 1995 жылдың 29 шілдесінде Белград қаласында дүниеге келген.
Лука өзінің кәсіби мансабын 2015 жылы ОФК Белград жастар командасынан бастады. Одан кейін Сербияның «Синджелич», «Бродарац», «ИМТ Белград», «Телеоптик», «Раднички» және «Инджия» клубтарында тәжірибе жинаған.
2021 жылы шетелге жол тартып, өзбекстандық «Согдиана» және «Навбахор» сапында өнер көрсетті. Ал 2024 жылы отанына қайта оралып, «Нови Пазар» клубында доп тепті.
