21 сағат бұрын
«Жеңіс» өз алаңында жеңіске жете алмады
Қанат Байұзақов
Қазақстан Премьер-Лигасының 18-турында астаналық «Жеңіс» пен көкшетаулық «Оқжетпес» өзара кездесті, деп хабарлайды Sport12.kz
Матч негізінен 26 шілдеде өтуі тиіс еді. Алайда командалар Дженнифер Лопестің концертіне байланысты бір күн ерте жасыл алаңға шығуға мәжбүр болды.
Ойын қауіпті сәттерге бай болмады. Соққылар көп жасалғанымен, 90 минутта клубтар тек 4 рет қана тура соққы жасай алды. Нәтижесінде матчта есеп ашылмады. 0:0.
Бұл тең ойыннан кейін, «Оқжетпес» 28 ұпаймен турнирлік кестеде бесінші орынға жайғасты. Ал «Жеңіс» 24 ұпаймен жетінші орында тұр.
«Жеңіс» — «Оқжетпес» 0:0
