«Қайсар» 10 ойыншымен жеңіске жетті

Қазақстан Премьер-Лигасының 18-турында Қызылордада өткен матчта жергілікті «Қайсар» петропавлдық «Қызылжардан» басым түсті, деп хабарлайды Sport12.kz

Ойынның басында-ақ алаң иелері жылдам есеп ашты. 3-минутта Никита Губарев нәтижелі әрекетімен көзге түсті.

Кездесудің қалған бөлігінде екі команда да шабуылдауға тырысқанымен, табло өзгеріссіз қалды.

Ал ойынны 88-минутында «Қайсар» қорғаушысы Төлегенов қызыл қағаз алып, алаңнан қуылды. Әйтсе де қонақтар қалған уақытта лайықты жауап қайтара алмады.

Бұл жеңістен кейін «Қайсар» 17 ұпайға ие болып, ұшу аймағынан алыстай түсті. Ал «Қызылжар» 19 ұпаймен тоғызыншы орында тұр.

«Қайсар» — «Қызылжар» 1:0 (1:0)

Гол: Губарев 3 (1:0)

Қызыл қағаз: Төлегенов («Қайсар») — 88-минут.