Нұрмат Мырзабаев екі айдан кейін «Тараздың» бас бапкері қызметінен кетті

 Қазақстандық маман Нұрмат Мырзабаев «Тараз» командасының бас бапкері қызметінен кетті, деп хабарлайды Sport12.kz. 

Ол бұл лауазымға биыл маусым айында тағайындалған еді. Содан бері 7 кездесуде небәрі 5 ұпай жинап, турнир кестесінде небәрі он екінші орынды місе тұтып тұр.

Нұрмат Нарманұлы 1972 жылы 11 қарашада дүниеге келген. Кәсіби футболшы ретінде «Тараз», «Ертіс», «Есіл», «Ақтөбе» секілді командаларда 301 матч өткізіп, 34 гол соққан. Қазақстан ұлттық құрамасында 16 ойында 1 мәрте мергендік танытқан.

Жамбыл футболының түлегі «Тараз» сапында Қазақстан чемпионы атанған.

2006 жылдан бастап бапкерлік қызметке кірісті. Мансабында жаттықтырушы, бас бапкер міндетін атқарушы, бас бапкер болған. Осы күнге дейін «Тараз» футбол орталығында QJ League командаларының үйлестірушісі лауазымын атқарды.

/