«Реал» соттан да «жоқ» деген жауап алды

Мадридтік «Реал» клубы Испания футбол федерациясының (RFEF) сотынан 2024/25 жылғы Ла Лига маусымының 1-турындағы матчты кейінге шегеруге рұқсат сұрағанымен, тағы да теріс жауап алды, деп хабарлайды Sport12.kz.

«Бланкос» Клубтар арасындағы Әлем чемпионатына (КӘЧ) қатысқандықтан, ойыншылар жеткілікті демалып үлгермегенін алға тартып, матч күнін өзгертуді талап еткен еді. Алайда RFEF пен Ла Лига бұл өтінішті қабылдамады.

Айта кетейік, қарсылас «Осасуна» матчты басқа күнге ауыстыруға қарсы болмаған. Соған қарамастан, федерация мен лига ойын күнін өзгертпеу жөнінде ортақ шешімге келген.

Осылайша, матч 19 тамыз күні белгіленген уақытында өтеді