Түркістан облысында 186 команда Әуесқойлар лигасында бақ сынауда

Қазіргі таңда Түркістан облысының 17 ауданында Қазақстанның Әуесқойлар лигасы аясында барлығы 186 команда бақ сынауда, деп хабарлайды Sport12.kz.

Аталған турнир екі кезеңнен тұрады. Алғашқы кезеңде командалар өз аудандарында A, B, C және D топтарына бөлініп ойнайды. Әр топтың үздігі облыстық кезеңге жолдама алады.

Қазіргі таңда A және B топтарындағы ойындар аяқталған. Ал C тобының матчтары Ордабасы ауданының Темірлан елді мекенінде жалғасып жатыр. Жақын күндері D тобының ойындары басталмақ.

Әр ауданнан топ жеңімпаздары облыс атынан шығатын команда ретінде таңдалып, финалдық кезеңге жолдама алады.

Облыстық кезеңнің финалдық ойыны тамыз айының үшінші жексенбісінде, Спорт күніне орай ұйымдастырылады.