Алматыда 40 мың адамға арналған жаңа стадион салынады

Алматыда Қазақстандағы ең ірі футбол стадионы салынатыны туралы ақпарат тарады. Жаңа арена 40 мың көрерменге арналған болмақ. Құрылысы 2026 жылы басталады деп жоспарланып отыр. Қазіргі уақытта жобаға қатысты құжаттар дайындалу кезеңінде.

Бұл туралы қалалық әкімдік Tengri Sport редакциясының сауалына берген жауабында хабарлады:

“Жаңа стадионға қатысты жоба шешімдері, нысанның параметрлері мен орналасу орны қазіргі уақытта талқылау және келісу кезеңінде. Бұл ақпарат бекітілгеннен кейін, ресми дереккөздер арқылы жұртшылыққа хабарланады”, – деді әкімдік өкілдері.

Еске салайық, бұған дейін еліміздегі ең үлкен стадиондар Алматыдағы Орталық стадион мен елордадағы “Астана Арена” болған. Жаңа нысан солардың орнын басып, Қазақстандағы ең заманауи және сыйымды футбол аренасына айналуы мүмкін.

Біздің серіктес: 200 000 фрибетті ұтысқа саламыз – арнаға жазыл және батырманы бас