Криштиану Роналду: «Алтын доптың» беделі түсіп барады»

Португалия құрамасы мен «Әл-Наср» шабуылшысы Криштиану Роналду маусымның үздік ойыншысына берілетін «Алтын доп» жүлдесі туралы ойын ашық айтты, деп хабарлайды Sport12.kz.

«Биылғы „Алтын доп“ па? Бұл – меніңше, жасанды марапат», — деп келтіреді 40 жастағы футболшының сөзін Al Nassr Zone.

Роналду бұл жүлдені бұған дейін бес рет иеленген. Бұл көрсеткіш бойынша одан озып кеткен жалғыз футболшы — Аргентина құрамасы мен «Интер Майами» форварды Лионель Месси, ол «Алтын допты» сегіз мәрте жеңіп алған.

Криштиану Роналду «Әл-Наср» сапында 2023 жылдың қаңтарынан бері ойнап келеді. Оның клубпен қазіргі келісімшарты 2027 жылдың жазына дейін күшінде. Transfermarkt порталы жұлдыз шабуылшыны 12 миллион еуроға бағалап отыр.

Біздің серіктес: 200 000 фрибетті ұтысқа саламыз – арнаға жазыл және батырманы бас