Рафаэль Уразбахтин «Қайрат» өрескел қателікке бой алдырғанын айтты

Футболдан Премьер-лига командалары арасындағы ел біріншілігінің ХХІ тур аясында алматылық «Қайрат» өз алаңында «Елімайдан» (2:3) жеңіліп қалған еді.

Осыған байланысты команданың бас бапкері Рафаэль Уразбахтин ойын жайында ой-пікірін білдірген еді.

- Біз үшін өкінішті жеңіліс болды. Қорғаныста ең жақсы ойынымызды көрсете алмадық. Өз ойымша, жеңіл голдарды жіберіп алдық. Чемпиондыққа таласатын команда ондай қателерге жол бермеуі керек деп санаймын. Негізінен ойын біздің сценарий бойынша өрбіді. Жігіттер біз айтқанның бәрін орындап отырды. Қарсыластың қалың қорғанысын бұзу қиын болатынын жақсы түсіндік. Стандартты жағдайлар өз рөлін атқарды. Біз қалағанымызға жеттік. Бірақ содан кейін үзіліске кетер алдында қарапайым гол өткізіп алдық, - деді ол.

Бас бапкердің айтуынша, алматылық клуб екінші таймда бізге аса қажет голды соғуға тырысты. 

- Өкінішке қарай, керісінше балалық қателерге жол бердік. Ондай қате жасай берсең, оң нәтиже күту қиын. Футболшылар жақсы ойнаса, мен «жақсы» деймін, бірақ біз осындай қате жіберсек, әрдайым соны айтамын. «Елімайды» жеңісіне байланысты құттықтаймын.

Бізге мұңая беруге уақыт жоқ. Жексенбіде қалпымызға келеміз, ал келесі күні Шотландияға ұшамыз. Келесі матчқа дайындаламыз, - деді ол.

Біздің серіктес: 200 000 фрибетті ұтысқа саламыз – арнаға жазыл және батырманы бас