«Арсенал» «Тоттенхэмнің» алдын орап, Эберечи Эзені өз сапына қосты

Лондондық «Арсенал» «Кристал Пэлас» жартылай қорғаушысы Эберечи Эзені қатарға қосу үшін клубпен келісімге келгенін talkSPORT хабарлады.

Ағылшын футболшысы үшін «Тоттенхэм» 60 миллион фунт (+бонус) көлеміндегі ұсыныспен келісімшарт жасауға жақын қалған еді. Алайда «канонирлер» сәрсенбі күні келіссөзді жылдамдатып, «Пэласпен» ортақ шешімге келді.

Белгілі болғандай, бала кезінен «Арсеналға» жанкүйер Эзе, сондай-ақ клуб академиясында ойнаған ол «Тоттенхэммен» алдын ала жасалған келісімді бұзып, «Эмирейтске» ауысуға ниет білдірді.

Бұл келісім «Кристал Пэлас» тарихындағы ең қымбат трансфер болмақ - 60 миллион фунт. Өз кезегінде «Тоттенхэм» ресми түрде Эзеге қызығушылық танытудан бас тартып, енді басқа нұсқаларды қарастыруға мәжбүр.

Біздің серіктес: 200 000 фрибетті ұтысқа саламыз – арнаға жазыл және батырманы бас