Алматыда жаңа футбол стадионы салынады

Алматы қаласында халықаралық деңгейдегі 35 мың орындық жаңа футбол стадионының құрылысы жоспарланып отыр. Бұл туралы қалалық әкімдік хабарлады. Арена Күлджін және Талғар трактілерінің арасында орналасатын болады.

Жоба авторларының айтуынша, стадион UEFA-ның 4-санат талабына толық сәйкес келеді. Кешен құрамында жаттығу базалары, жанкүйерлерге арналған демалыс аймақтары, заманауи қауіпсіздік жүйесі және абаттандырылған аумақ қарастырылған.

Әкім Дархан Сатыбалдының сөзінше, бұл жоба мегаполистің спорттық және қалалық инфрақұрылымын дамытудағы маңызды қадам болмақ:

«Алматы — елдің ең ірі қаласы. Халық саны өсіп келеді, жастардың спортқа деген қызығушылығы артып отыр. Біз құрылыс-монтаждау жұмыстарын келесі жылы бастауды жоспарлап отырмыз. Болашақта мұнда метро станциясы мен логистикалық хаб та пайда болады», — деді ол.

Жоба шамамен 15 гектар аумақта жүзеге аспақ. Әкімнің айтуынша, бұл тәжірибе әлемдік стандартқа сай келеді, себебі спорттық нысандардың көбі көлік тораптарының маңында салынады.

Сонымен бірге, Алматының 65 жылдан астам тарихы бар Орталық стадионы сақталып, жаңғыртудан өтеді. Ондағы жеңіл атлетикалық инфрақұрылым қала спорт тарихының бір бөлігі болып қала береді.

Біздің серіктес: 200 000 фрибетті ұтысқа саламыз – арнаға жазыл және батырманы бас