Алматы қаласының әкімі «Қайратты» жеңісімен құттықтады 

Алматы қаласының әкімі Дархан Сатыбалды алматылық «Қайрат» командасының Чемпиондар лигасы негізгі кезеңіне жолдама алуымен құттықтады, деп хабарлайды Sport12.kz.

Бұл жөнінде ол әлеуметтік желідегі парақшасында жазды.

 - «Қайрат» футбол клубын тарихи жетістігімен – жеңісімен және Еуропаның ең беделді додасы, УЕФА Чемпиондар лигасының негізгі кезеңіне жолдама алуымен шын жүректен құттықтаймын! Алматылық команда өз шеберлігі мен жігерін айқын көрсетті. Бұл жеңіс – барша алматылықтар үшін қуаныш, бүкіл ел үшін үлкен мақтаныш. Клубқа алдағы уақытта да жеңістер мен Еуропа алаңында сәтті өнер көрсетуді тілеймін. Алматыда жаңа заманауи стадионның салынуы Қазақстан футболының дамуына тың серпін беретіні анық. Жеңіс құтты болсын, - деп жазды ол.

Біздің серіктес: 200 000 фрибетті ұтысқа саламыз – арнаға жазыл және батырманы бас