«Астана» қорғаушысы маусым соңына дейін алаңға шықпайды

«Астананың» қорғаушысы Кипрас Кажуколовас маусым соңына дейін   алаңға шықпайды. Литвалық ойыншы крест байламын үзіп алды, деп хабарлайды AS News (BorodAbata.kz).

Бұл «Астана» үшін алаңдатарлық жаңалық. Себебі ойыншы бұған дейін бірнеше рет тізесіне ота жасатқан, тек «крест» қана емес, жанама байламдары да жыртылған болатын.

«Брайтондағы төрт жылдың ішінде 3,5 жыл жарақатпен жүрдім. Мұндай кезеңде бар болғаны алты айдай ғана жаттығуға мүмкіндік болды», – деген еді Кипрас қаңтар айындағы сұхбатында. Енді оны тағы да ұзақ оңалту кезеңі күтіп тұр.

Григорий Бабаян жаттықтыратын команда маусымды 26 қазанда сырт алаңдағы «Қайратқа» қарсы кездесумен аяқтайды. Қазіргі таңда «Астана» Қазақстан Премьер-лигасының турнир кестесінде көш бастап келеді.

Біздің серіктес: 200 000 фрибетті ұтысқа саламыз – арнаға жазыл және батырманы бас