Нұралы Әліп Бельгиямен кездесуге қатыса ала ма?

Футболдан Қазақстан құрамасының қорғаушысы Нұралы Әліп әлем чемпионаты іріктеу кезеңінде Бельгиямен кездесуге қатыса алады, деп хабарлайды Sport12.kz.

Қорғаушы төртінші турда Уэлсьпен (0:1) кездесуде алған жарақатынан алаңнан ертерек алмастырылды.

Оның қазіргі жағдайы жөнінде Қазақстан құрамасының бас бапкері Али Алиев айтып берді.

- Бәрі жақсы. Нұралы өте үлкен жұмыс көлемін атқарды, сол үшін оған рахмет. Бірнеше рет қарсылас қақпасына дейін жетіп үлгерді, соның салдарынан бұлшықеті тартылып қалды. Жарылып кетпес үшін өзі ауысуды сұрады. Бүгін және ертең қалпына келіп, ойынға дайын болады, - деді бас бапкер.

Бельгия - Қазақстан кездесуі қазақстандық уақытпен 23:35-те басталып, «Qazsport» телеарнасынан тікелей эфирде көрсетіледі.

Біздің серіктес: 200 000 фрибетті ұтысқа саламыз – арнаға жазыл және батырманы бас