Әли Әлиев Қазақстан құрамасының бас бапкері қызметінен кететіндігін мәлімдеді

Футболдан Қазақстан құрамасының бас бапкері Әли Әлиев 2026 жылғы әлем чемпионатының іріктеу кезеңінде Бельгиядан ірі есеппен (0:6) жеңілгеннен кейін қызметінен кететіндігін айтты, деп хабарлайды Sport12.kz

— Бәріне өзім кінәлімін. Ірі жеңілісті өзімнің жауапкершілігіме аламын. Қазақстанға барған сәтте қызметтен кететіндігім жайлы өтінішті жазамын, — деді Әлиев ойыннан кейінгі баспасөз мәслихатында.

Еске сала кетейік, Қазақстан құрамасы араға 4 жыл салып, тағы да ірі жеңіліске ұшырады. Әли Әлиевтің баптауымен ұлттық құрама наурыз айынан бері Уэльс (1:3, 0:1), Солтүстік Македония (0:1), Бельгияға (0:6) жол берді. Жерлестеріміз әзірше өз топтарында айқын аутсайдер Лихтенштейнге қарсы матчта ғана жеңістің дәмін татты (2:0).

Біздің серіктес: 200 000 фрибетті ұтысқа саламыз – арнаға жазыл және батырманы бас