Еуропа чемпионаты: футболдан Қазақстан жастар құрамасы Англиядан жеңілді

Бүгін Қазақстан 21 жасқа дейінгі құрамасы Еуропа чемпионатының іріктеу кезеңі аясында Ақтөбеде Англия құрамасына есе жіберді, деп хабарлайды Sport12.kz.

Кездесу барысында англиялық футболшылар басымдық танытты. Ойынның 18-минутында олардың қатарынан Этан Нванери есеп ашса, 23'-минутта Джоб Беллингем көздеген нысанасын мүлт жіберген жоқ.

Осылайша отандастарымыз қарсыласынан 0:2 есебімен жеңіліп қалды.

Айта кетейік, Қазақстан жастар құрамасы D тобында Англия, Ирландия, Словакия, Молдова және Андорра құрамаларымен ойнайды.

Олар 5 маусым күні Астанада Андоррадан 1:0 есебімен басым түсті. 

Енді қазақстандық жастар 9 қазанда 2027 жылғы Еуропа чемпионаты іріктеу кезеңі аясында сырт алаңда Андоррамен ойнайды.

Құрлықтық доданың іріктеу кезеңі 2026 жылдың 6 қазанында мәресіне жетеді.

Біздің серіктес: 200 000 фрибетті ұтысқа саламыз – арнаға жазыл және батырманы бас