Қазақстандық жас талант «Вильярреалға» ауысты

Қазақстандық жас талант Сәлім Хасанов Испанияның «Леванте» академиясынан «Вильярреалға» ауысты, деп хабарлайды Sport12 BorodAbata.kz (AS News) сілтеме жасай отырып.

«Қайраттың» бұрынғы футболшысына «Валенсия» да қызығушылық танытқанымен, ол «сары субмариннің» ұсынысын қабыл алды. Хасанов жақында ғана «Леванте» сапына қосылған еді, алайда «Вильярреал» жас ойыншының трансфері үшін қаржы төлеп, оған шәкіртақы тағайындады.

«Қазір Сәлім өз жасындағы командада ойнайды, бірақ ойынымен бапкерлерді тәнті қылса, оны бір жас үлкен құрамға қосуға болады», – деді футболшының әкесі.

Айта кетейік, «Леванте» қатарында енді екі қазақстандық ойыншы қалды, 17 жастағы Шыңғыс Қалиев пен Алдияр Нұрғали.

Біздің серіктес: 200 000 фрибетті ұтысқа саламыз – арнаға жазыл және батырманы бас