Футболдан Әлем чемпионаты: Франция жеңісті жолын жалғастыра ала ма

Бүгін футболдан 2026 жылғы әлем чемпионаты іріктеу кезеңінде Еуропа құрлығы бойынша бес топта кезекті тур ойындары өтеді, деп хабарлайды Sport12.kz. 

D тобында алдымен Әзербайжан мен Украина шеберлік байқасса, одан кейін Франция мен Исландия жасыл алаңға шығады. 

Бұл топтағы Франция сырт алаңда Украинаны 3:0 есебімен жеңсе, Исландия Әзербайжанды 5:0 есебімен тізе бүктірді.

Ал F тобында Армения мен Ирландия, Венгрия мен Португалия ойнайды.

Сондай-ақ H тобында Босния және Герцоговина мен Аустрия, Кипр мен Румыния, I тобында Норвегия мен Молдова, K тобында Албания мен Латвия, Сербия мен Англия шеберлік байқасады.

Айта кетсек, 8 қыркүйекте В тобында Косово Швецияны 2:0, Швейцария Словенияны 3:0 есебімен жеңсе, Беларусь Шотландияға 0:2, Грузия Данияға 0:3 есебімен есе жіберді. 

I тобында Израиль Италияға 4:5, Гибралтар Фарер аралдарына 0:1 есебімен есе жіберсе, Хорватия Черногорияны 4:0 есебімен тізе бүктірді.

Еске салсақ, Қазақстан құрамасы J тобында сынға түсіп жатыр. Турнир кестесінде көш басында Солтүстік Македония 11 ұпаймен келеді. Одан кейін Бельгия мен Уэльс 10 ұпайды еншілесе, Қазақстан құрамасында 3 ұпай бар. Әзірге Лихтенштейнің қоржыны бос.

Енді бұл топтағы ойындар 10 қазанда өткізіледі. Бұл күні Қазақстан құрамасы Лихтенштейнді қабылдаса, Бельгия мен Солтүстік Македония өзара шеберлік байқасады.

Біздің серіктес: 200 000 фрибетті ұтысқа саламыз – арнаға жазыл және батырманы бас