Роналду мен Джорджинаның той күні белгіленді

Испан БАҚ Криштиану Роналду мен Джорджина Родригестің үйлену тойы 2026 жылдың 19 шілдесінен кейін, яғни әлем чемпионатының финалынан соң өтуі мүмкін екенін хабарлады. Бұл болжамды TVE арнасының D Corazón бағдарламасындағы журналист Альберто Гусман келтірген, ал Marca USA осы дерекке сілтеме жасаған. Алайда нақты күн ретінде аталып жүрген 20 шілде ешбір тараптан ресми түрде расталған жоқ.

Бұған дейін жұп 2025 жылдың 11 тамызында құдалықтарын жариялап, қалыңдық сақинасын көпшілікке көрсеткен. Дегенмен тойдың уақыты мен орны туралы ресми мәлімдеме жасалмаған. Кей ақпарат көздері салтанаттың Португалияда өтуі ықтимал екенін айтады.

Айта кетейік, ӘЧ-2026 финалы 19 шілдеде өтеді. Сондықтан да медиада «финалдан кейінгі күн» нұсқасы (20 шілде) жиі аталып жүр. Қазіргі сәтте бұл мәліметтер бейресми сипатқа ие; қос тараптан ресми хабар тараған жоқ.

Біздің серіктес: 200 000 фрибетті ұтысқа саламыз – арнаға жазыл және батырманы бас