Темірлан Анарбековтің «Ақтөбемен» ойында қандай жарақат алғаны белгілі болды

Алматылық «Қайрат» командасының қақпашысы Темірлан Анарбеков Қазақстан Премьер-лигасы 22-турындағы «Ақтөбемен» кездесуде қандай жарақат алғаны белгілі болды, деп хабарлайды Sport12.kz.  

Ойынның 12-минутында ақтөбелік футболшылар айып алаңына әуелете доп көтерген еді. Сол сәтте Темірлан Анарбеков оны қайтаруға әрекеттенді. Оған ұмтылған ақтөбелік футболшымен соқтығысып, жарақат алып қалды. Дәрігерлер шешімімен ол алаңды тастап кетуге мәжбүр болды.

Дәрігерлердің айтуынша, ол жақ сүйегін сындырып алды. Қай уақытта алаңға оралатыны белгісіз.

Айта кетсек, Темірлан Анарбеков Чемпиондар лигасы плей-офф кезеңінде алматылық «Қайрат» сапында Шотландияның «Селтик» командасына қарсы кездесуде кеңінен танылды. Сол кездесуде ойын соңында болған пенальтиде қарсылас команда футболшыларының үш соққысын қайтарған еді. 

Оны жас қақпашы Мейрамбек Қалмырза алмастырды. Негізгі қақпашы Александар Заруцкий де жарақатына байланысты соңғы ойындарға шыға алмай жүр.

Біздің серіктес: 200 000 фрибетті ұтысқа саламыз – арнаға жазыл және батырманы бас