«Қайраттың» жас қақпашысы дебюттік ойыны жайлы пікір білдір

«Қайрат» қақпашысы Шерхан Қалмұрза Vesti порталына берген сұхбатында дебюттік ойыны жайлы пікір білдіріп, алдағы кездесулерге қатысты ойымен бөлісті.

«Алғашында, әрине, біраз толқыдым. Бірақ ойынға кірісіп кеткен соң шабыт пайда болды, жігіттерге ақыл-кеңес беріп, сенімділігім артты. Командаға, тәжірибелі ойыншыларға қолдау көрсеткені үшін алғыс айтамын. Бұл маған көп көмектесті. Қазір әр ойын біз үшін финал секілді, төрт кездесу қалды және біз олардың әрқайсысына соңғы матчқа шыққандай дайындаламыз.

«Спортингке» қарсы алаңға шығамын ба? Бәрі мүмкін. Әзірге нақты ештеңе айта алмаймын, бірақ дайындаламын, өз күшіме сенемін. Анарбековтың жағдайын толық білмеймін, бірақ оған қолдау білдіремін. Тезірек қатарға қосылады деп сенемін», – деді Шерхан.

Айта кетейік, 18 жастағы қақпашы кеше алматылық клубта дебют жасады. Енді 18 қыркүйекте Чемпиондар лигасы аясында «Спортингке» қарсы ойында негізгі құрамнан шығуы мүмкін.

Біздің серіктес: 200 000 фрибетті ұтысқа саламыз – арнаға жазыл және батырманы бас