ФИФА спортшылардың саулығын ойлап, халықаралық үзілістерді қысқартты

ФИФА ресми түрде күнтізбе реформасын жариялады: 2026 жылдың күзінен бастап қыркүйек пен қазан айындағы ұлттық құрамаларға арналған үзілістер біріктіріледі.

Жаңа халықаралық терезе 21 қыркүйектен 6 қазанға дейін созылады. Осы уақыт аралығында ұлттық құрамалар төрт матчқа дейін өткізе алады. Ұйымдастырушылардың айтуынша, мұндай өзгеріс футболшылардың жарақат алу қаупін азайтып, құрамаға шақырылған ойыншылардың жиі ұшып-қонуын қысқартады.

Еске сала кетейік, бұған дейін ұлттық құрамалар қыркүйек және қазан айларында жеке-жеке жиналатын. Енді екі терезе біріккендіктен, клубтық маусымда ұзақтау үзіліс болады.

ФИФА бұл шешім арқылы ойыншылардың денсаулығын қорғап, халықаралық күнтізбені ыңғайлы етуге ниетті.

Біздің серіктес: 200 000 фрибетті ұтысқа саламыз – арнаға жазыл және батырманы бас