Ғалымжан Кенжебекке «Селтик» ресми ұсыныс жасамаған

22 жастағы вингер Ғалымжан Кенжебекке қатысты шетелдік басылымдарда тараған ақпарат шындыққа жанаспайды. AS news мәліметінше, шотландиялық «Селтик» клубынан «Елімайға» ешқандай ресми ұсыныс немесе сауал түспеген. Бұл ақпаратты Шотландиядағы дереккөздер де растады. Айта кетейік, Еуропадағы трансфер терезесі екі апта бұрын жабылған.

Соған қарамастан, Кенжебекке қызығушылық сақталып отыр. Оған шотландиялық «Хартс», сондай-ақ Словакия мен Ресейдің бірнеше клубы назар аударуда.

Кенжебек биылғы маусымда «Елімайдың» көшбасшыларының бірі саналады. Ол небәрі сегіз ойында бес гол соғып, үш нәтижелі пас берді. Transfermarkt порталы футболшының құнын 225 мың еуроға бағалауда.

Форвард маусым соңына дейін Петропавл клубында қалатынын, ал одан кейін Еуропаға көшу мүмкіндігін қарастыратынын мәлімдеді.

Біздің серіктес: 200 000 фрибетті ұтысқа саламыз – арнаға жазыл және батырманы бас