6 айдан кейін жаңарған рекорд: Қазақстан чемпионатын қанша жанкүйер тамашалады?

Премьер-лиганың 23-турындағы жеті матчты жалпы 49 013 көрермен тамашалады, деп хабарлайды Sport12.kz

Турдың ең көп жанкүйер жиналған ойыны «Қайрат» – «Ақтөбе» (1:0) матчы болды. Оған 22 800 көрермен жиналды.

Ең аз жанкүйер Талдықорғанда өткен «Жетісу» мен «Қайсар» (1:1) арасындағы кездесуге жиналды (1 000 адам).

Бұған дейін ең көп жанкүйер келген 1-тур еді. Оған жалпы 42 353 көрермен қатысып, орта есеппен әр ойында 6 050 жанкүйер болған.

Чемпионат басталғалы Премьер-лига матчтарын барлығы 741 067 көрермен тамашалады. Бұл орташа есеппен әр матчқа 4 720 адамнан келеді.

23-тур Премьер-лига матчтарының көрермендер саны:

1. «Қайрат» – «Ақтөбе» (1:0) – 22 800 көрермен;
2. «Астана» – «Елімай» (3:3) – 15 233;
3. «Атырау» – «Тобыл» (1:0) – 4 000;
4. «Ордабасы» – «Жеңіс» (2:1) – 2 480;
5. «Қызылжар» – «Оқжетпес» (3:1) – 2 000;
6. «Тұран» – «Ұлытау» (1:1) – 1 500;
7. «Жетісу» – «Қайсар» (1:1) – 1 000

Біздің серіктес: 200 000 фрибетті ұтысқа саламыз – арнаға жазыл және батырманы бас