Руй Боржеш: «Юльманн әрі қарай да пенальти орындайды»

Лиссабондық «Спортингтің» бас бапкері Руй Боржеш Чемпиондар лигасының 1-турында «Қайратқа» қарсы өткен ойында Мортен Юльманнның пенальти соға алмағанына қатысты пікір білдірді.

— Иә, бүгін Юльманн гол соға алмады, бірақ ол мұндай соққыларды талай рет орындаған. Келесі матчта да дәл солай негізгі орындаушы болады. Бізде әрдайым екі белгіленген пенальтиші бар, біріншісі — Юльманн, екіншісі — Суарес. Одан кейін алаңда өздері шешеді. Бұл жүйе әрі қарай да сақталады, — деді Боржеш ойыннан кейінгі баспасөз мәслихатында.

Айта кетейік, кездесудің 21-минутында «Спортинг» капитаны Мортен Юльманн 11 метрліктен есеп аша алмады. Оны 18 жастағы қақпашы Шерхан Қалмырза керемет сейвпен қайтарып, командасын құтқарды. Дегенмен, португалиялық клуб ойынды 4:1 есебімен өз пайдасына аяқтады.

Біздің серіктес: 200 000 фрибетті ұтысқа саламыз – арнаға жазыл және батырманы бас