Дастан Сәтпаев «Челсиге» шақырту алғанын қайда естігенін айтты 

Қазақстандық талантты жас футболшы Дастан Сәтпаев Англияның «Челси» командасының қызығушылығы жөнінде қайда естігенен айтып берді, деп хабарлайды Sport12.kz.

Бұл жөнінде ол Nobel You-tube-каналында жария етті.

- Мектепте жүрген кезімде әкем хабарласты. Ол кісіге «Қайраттың» басшысы Қайрат Боранбаев телефон шалған екен. Алғашқыда сенген жоқпын. Әлемдік клубтың маған қызығушылық білдіргені ерекше атңғалдырды, - деді жас талант.

Ал әкесі Талғат Сәтпаев тәжірибелі клубтың баласына сенім артуына соңғы сәтке дейін толық сене қоймғанын айтты. 

-Мұндай жаста әлемдік топ-клубтың шақыруы жиі кездесе бермейді. Бұл қаншалықты шындыққа жанасады. Осы жағы мені ойландырды. Аталған клуб Дастанды ала ма, алмай ма деген ойда болдым, - деді әкесі Талғат.

2026 жылдың жазында кәмелеттік жасқа толған соң ресми түрде ағылшын командасына қосылады. 

Ол уақытқа дейін Дастан Сәтпаев «Қайрат» сапында өнер көрсетеді. 

Дастан Алматыда дүниеге келген. 8 жасында «Қайрат» Академиясына түсіп, дайындықтың барлық сатысынан өтті.

Айта кетейік, 2024 жылдың мамыр айында Сәтбаев «Қайрат» командасында дебют жасаған ең жас ойыншы ретінде тарихқа енді.

Біздің серіктес: 200 000 фрибетті ұтысқа саламыз – арнаға жазыл және батырманы бас