Талғат Байсуфинов ірі жеңіске қатысты пікір білдірді

Қазақстан футбол құрамасының бас бапкері Талғат Байсуфинов 2026 жылғы әлем чемпионатының іріктеу кезеңіндегі Лихтенштейнге қарсы (4:0) өткен өз алаңындағы матчқа бағасын берді, деп хабарлайды Sports.kz.

— Жеңіспен құттықтаймын. Біз сегіз күн бойы дайындалдық. Әрине, төрт гол соқтық және жоспарлағанымыздың көп бөлігін жүзеге асырдық деуге болады. Алда әлі де көп жұмыс тұр. Бүгін кешке ойынның жазбасын қарап, талдау жасаймыз. Македониямен болатын кездесуге дайындықты бастаймыз. Футболшылар бәрін түсінді, допты бақылауда ұстады, комбинациялық ойында жақсы қимылдады. Бірақ әлі де істейтін жұмыс жеткілікті, — деді Байсуфинов.

Еске сала кетейік, әлем чемпионатының іріктеу кезеңінің жетінші турындағы өз алаңындағы ойында Қазақстан құрамасы Лихтенштейнді 4:0 есебімен жеңді.

Біздің серіктес: 200 000 фрибетті ұтысқа саламыз – арнаға жазыл және батырманы бас