Cолтүстік Македония құрамасы Қазақстанға қарсы ойында жанкүйерлерді стадионға тегін кіргізеді

Футболдан 2026 жылғы әлем чемпионатына іріктеу кезеңі аясында Солтүстік Македония құрамасы өз алаңында Қазақстанды қабылдайды, деп хабарлайды Sport12.kz

Осы орайда Солтүстік Македонияның футбол федерациясы жанкүйерлерге арнайы мәлімдеме жасады:

«Егер балаңыз футболды жақсы көрсе және Македония құрамасының ойынын тамашалағысы келсе, бүгін кешке «Тодор Проэски» аренасына барып, Македония мен Қазақстан құрамаларының матчын тегін көре аласыз. Ойын сағат 20:45-те басталады.

Македония футбол федерациясы хабарлағандай, әлем чемпионатының іріктеу кезеңіндегі бұл матчқа Шығыс трибунасына кіру тегін болады. Тегін кіру құқығы:

·      Балалар лигасы,

·      Өңірлік лигалардағы футбол мектептері және клубтың жасөспірім, жастар санаттарындағы футболшылар мен олардың бапкерлеріне беріледі.

Сонымен қатар, ата-анасымен келген бастауыш мектеп оқушылары да Шығыс трибунасына тегін кіре алады.

Кездесуде жолығайық!», - делінген хабарламада.

Матч бүгін түнгі 23:45-те басталады. Ойынды Qazsport телеарнасынан тікелей эфирде көре аласыздар.

Біздің серіктес: 200 000 фрибетті ұтысқа саламыз – арнаға жазыл және батырманы бас